Sofortmassnahme für de Hochwasserschutz

D Regefäll Endi Juni hend an verschidnige Stelle z Wettige für Problem gsorged. D Gmeind het jetzt reagiert.

Nach de Publikation vo de Schutzdefizitcharte dur de Kanton het d Gmeind es Hochwasserschutzprojäkt ufgleised. Im 2017 het de Iiwohnerrot de Projektierigskredit gschproche, aber bis zur Umsetzig gohts no es zitli. Problem mit em viele Wasser het es aber scho Endi Juni mit de vile Niderschläg geh. Bsunders betroffe isch de Gottesgrabe gsi, vor allem de Bachabschnitt südlich vo de Alteburgstross. Dete sind Ligeschafte a de Bachstrass überfluetet worde und d Füürwehr het, ned zum erschte Mol, versuechd, mit Sandsäck d Aawohner z schütze.
In Absproch mit de kantonale Fachstelle het jetzt de Werchhof de regelmässig Bachunterhalt vorzoge. Mit em Usbaggere vom Bach isch di natürlich Verlandig bekämpft worde und d Fliessgschwindigkeit vom Gottesgrabe erhöht.