Sit Ändi 2018 het d Gmeind e «Fachstell Gesellschaft». Noi wird si vo de Nina Eggeberger gleitet und mit em Bereich «Sportkoordination» erwitered.
Nach de Uflösig vo de Fachstell Altersfrage und de Zunehmende Ufgabe in de Bereich Chind & Jugend, Freiwilligenarbet, Integration, regionali Zammenarbet und de UNICEF-Zertifizierig im Dezember 2017 het de Gmeindrot aafangs 2018 es Konzept erstelld, wi alle Schnittstelle im Bereich Gsellschaft optimal vernetzt und synergetisch bearbeitet setted bearbeite werde, schriibd d Gmeind inere Mitteilig. Ändi 2018 isch dann di noii Fachstell usgschribe worde und het mit de Bettina Bertschinger chönne bstezt werde. Dynamisch, initiativ und kompetent het si sich in allne Bereich iigsetzt und Synergie chönne schaffe. Zämme mit em Ressortvorsteher Philippe Rey und de entsprechende Kommissione sind Mündigkeitsfiir, Seniorenamittag, Pumptrack, Bücherlieferige während em Lockdown, Koordination Freiwilligenarbet, Facebook-Uftritt mit „Wettingen Family“, en Arbeitsgruppe «Koordination Alter» und vieli andere Projekt noi ufgleist worde, es Dutzend Unicef-Massnahme umgsetzt und im
Rothuus selber vili Schnittstelle optimiert worde.
Nach dem sehr erfolgriiche Start vo de noie Fachstell het sich d Bettina Bertschinger entschiede, brueflich en noie Wäg z goh. Mit de Nina Eggenberger, wo scho sit em Februar 2020 für d Iiwohnergmeind Wettige im Bereich Iibürgerige, Iiwohnerrot und Gmeindrat schaffed, het e jungi kompetenti und energiegladeni Fachchraft chönne gfunde werde, wo schoi guet un di noi Tätigkeit het chönne iigschaft werde und offiziell sit em 1. Ferbuar 2021 für das noii Arbetsfäld verantwortich isch. D Nina Eggenberger wird alli Projäkt witerführe und zuesätzlich Arbeite in de Bereich Sportkoordination, Dütsch für Müettere, regionali Integrationsprojäkt und Freiwilligenarbet leischte und bsunders de Bereich Altersfroge noch intensiver in de Fokus neh.