Wettige blibt für d EVP e wichtigs Pflaster. D Lilian Studer sell Präsidentin vo de nationale EVP werde.
«Wie der Vater, so die Tochter» chönnd me säge, het doch de Wettiger alt Vizeamme und alt Nationalrot Heiner Studer vo 2008 bis 2014 d EVP Schwiiz präsidiert. Jetzt het de Parteivorstand sini Tochter Lilian, wo sit em 2019 im Nationalrot politisierd, als Kandidatin für d Nachfolg vo de Marianne Streiff nominiert. D Lilian Studer sell bi de Delegierteversammlig im Juni gwählt werde. De ursprünglich planti Termin, d Delegierteversammlig vom 20. März, wird wege de Pandemie online stattfinde. Us dem Grund wird wird d Präsidiumswahl uf de 19. Juni verschobe.