D Siegeri vom Fotiwettbewerb het ihre Priis übecho

Zum Jubiläumsjohr 975 Johr Wettige hend mir en Fotiwettbewerb usgschribe. Ihr hend entschide und zwar dütli.

Vier Föteli hend mir oi zur Wahl vorgschlage, um z entscheide, wer oise Fotiwettbewerb und dodemit s Buech «975 Zeilen» gwünnt. Jede het chönne uf Facebook, Twitter und per Mail jewils ei Stimm chönne abgeh. Faktisch sind alli Stimme per Mail abgeh worde und d Siegerfoti vo de Sonja Fellini het meh wi 90% vo de Stimme übecho.

D Siegerfoti vo de Sonja Fellini.

Zum Verstah, was d Foti mit em 975-Johr-Jubiläum z due het, het si folgendes gschribe:

«

S`Gruppeföteli han ich gschosse am 20. November 2020 uf de Uussichtsplattform vo de Rheinschlucht in Versam Graubünde.(v.l.n.r Sonja Fellini, David Fellini, Ursi Depentor und Claudio Depentor) Gschicht dehinder isch die, dass sich de Claudio und de David, dank em Jubiläumsjohr, im OK vo Atmosphäre 975 kenneglernt händ. Au wenns Fäscht leider ned stattgfunde het wird eus das Johr immer dra erinnere, dass do drus e fantastischi Fründschaft entstande isch. Und mir 4 immer wider gern eusi Freiziit mitenand verbringe.»