Am 1. Dezember 2020 hend mir en Fotiwettbewerb zum Jubiläumsjohr usgschribe und oich zum Iisende vo Föteli ufgfordered. Si hend en klare Bezug zum Jubiläum selle ha. Ihr chönnd jetzt di Siegerfoti bestimme.
Abstimme chönnd ihr uf Facebook und Twitter jewils unter oisem Link zum Artikel und per Mail an wettiger.nochrichte(at)gmail.com jewils mit de Aagab vo de Nummere vo de Foti (1-4). Jede dörf di drü Möglichkeite je einisch nutze, ihr hend also faktisch jede 3 Stimme. Es gelted alli Stimme wo nach dene Regle bis zum 31. Dezember um Mitternacht iigange sind.
Und do sind di Föteli, unter dene mir e Voruswahl troffe hend:
Foti 1: Au St. Sebastian het es Jubiläums-johr gha.
Foti 2: De Bauwage vo de „Atmos-phäre“ isch bi de Ludothek zum Iisatz cho.
Foti 3:De Stärn vor em Tägi stoht au für d Iiweihig, wo ned het chönne stattfinde.
Foti 4: „D Gschicht hinder de Foti isch, dass sich de Claudio und de David, dank em Jubiläumsjohr, im OK vo Atmosphäre 975 kenneglernt händ. Au wenns Fäscht leider nüd stattgfunde het wird eus das Johr immer dra erinnere, dass do drus e fantastischi Fründschaft entstande isch. Und mir 4 immer wider gern eusi Freiziit mitenand verbringe.“