Morn, 12. November 2020, gohd’s be de Iwohnerratssitzig im Tägi au ums Budget und de Stüürfuess.
Im Früehjohr het s Stimmvolk s Budget 2020 und d Erhöchig vom Stüürfuess abglehnt. De Gmeindrot wot es settigs Szenario fürs Budget 2021 unter allne Umständ verhindere und het nach de beide Runde Tisch mit de Iiwohnerrots-Parteie uf en Erhöchig vom Stüürfuess vo 95 uf 98 % verzichted. D Finanzkommission het bi de Prüefig vom Budget aber e Erhöchig beatreit, so dass de Iiwohnerrot uf jede Fall au über d Höchi vom Stüürfuess wird diskutiere.
Aber wo liegt Wettige eigentlich stüürmässig im Verglich zu de andere Gmeinde im Bezirk Bade?
Im 2019 het me in 17 Gmeinde vom Bezirk meh Stüüre zahlt wie z Wettige, au wenn d Stüüre uf 98 % würded stiige! Nume in 5 Gmeinde esch de Stüürfuess im 2019 tüfer gsi und au nachere Erhöchig wär er numme in 6 Gmeinde tüfer, wil d Gmeindversammlig vo Birmischtorf de Stüürfuess uf 98% erhöht hät.
Im Eizelne gsehnd d Stüürfüess im 2019 eso us:
Bade 92
Bärgdietike 87
Bellike 89
Birmischtorf 94 (2021: 98%)
Ehredinge 110
Ennetbade 97
Fislisbach 103 (für 2021 beatreid de Gmeinrot 109)
Freiwil 109
Gäbischtorf 108
Killwange 105
Künte 107
Mägewil 108
Mellige 110
Noiehof 112
Niderrohrdorf 97
Oberrohrdorf 85
Obersiggethal 105 (für 2021 beatreid de Gmeindrot 110)
Remetschwil 95
Spreitebach 108
Stette 99
Turgi 113
Untersiggethal 105
Wettige 95 (98?)
Wohleschwil 116
Würelinge 100
Würelos 106
Intressant…oder?