Oisi Läserinne und Läser hend entschide. S Wettiger Wort vom Johr 2019 isch «Ännetwettige».
Zum erschte Mol hend d Wettiger Nochrichte es «Wort vom Johr» lancierd. D Voruswahl vo 2 Wörter isch vomene Externe übernoh worde und danach hend mir di beide vorgschlagene Wörter zur Wahl gstellt. «Reschtchoschtefinanzierig» und «Ännetwettige» sind zur Abstimmig gschtande.
D «Räschtchoschtefinanzierig» stoht au stellverträtend für s Budget, bi dem di Choschte us em Gsundheits- und Pflägeberich e wichtigi Rolle spiled. Au wenn s Budget d Gmeind nach wi vor beschäftiged, wil es de Iiwohnerrot bi de erschte Berotig zruckgwise het, het de Begriff numme 25% vo de Stimme übecho. 75% hend für «Ännetwettige» d Schtimm abgeh, en Begriff für Bade, wo d Wettiger Satire-Nochrichte, inere Satire prägd hend.
Dodemit isch es klar:
«Ännetwettige» isch s Wettiger «Wort vom Johr» 2019.