Unbekannti hend a de Schuelaalage Margeläcker und BEZ Schiibe iigschlage und witeri Sachbeschädigunge begange. D Iiwohnergmeind setzt 5’000.- Franke Belohnig us.
D Kantonspolizei (Kapo) het hüt inere Mediemitteilig informierd, dass si am Sunntig, 1. Dezember 2019 nach em Iigang vo Meldige zu de Schuelaalage im Margeläcker und de BEZ usgrückt isch. Dete het d Kapo mehreri iigschageni Schiibe aatroffe und au Farbschmierereie miteme schwarze Filzstift feschtgstellt. De Schade wird uf mehreri zehtuusig Franke gschätzt.
D Täterschaft isch bsiher ned bekannt und so het d Kapo d Ermittlige ufgnoh. Persone, wo Hiwiis zu de Vorfäll chönd geh, selled sich bi de Kapo, Dezentrale Ermittlungsdienst Nord (Tel. 056 200 11 11) melde. D Iiwohnergmeind Wettige het e Belohnig vo 5’000.- Franke usgsetzt, wenn d Hiwiis zur Ermittlig vo de Täterschaft führed.
