D Karin Bertschi tritt als Grossröti zruck

D Aargauer Zitig het es noch es Grücht gnennt, d Karin Bertschi macht es uf Facebook offiziell: im Juni tritt si uf em Grosse Rot zruck.

D Leimbacher «Müll-Prinzessin», wi si vo de Medie hüfig gnennd worde isch, isch en Medieliebling und au mir hend ois natürli gfroid, dass mir mit em aakündete Zügle uf Wettige über si chönnd brichte. De Wohnortwächsel het Wettige e witeri Grossröti beschert und das au no miteme Grossrotssitz us em Bezirk Choom. Wi d Karin Bertschi aber jetzt uf Facebook mitteild, wirds nüd miteme zuesätzliche Wettiger Grossrotssitz und mir nutzed das, um wenigstens einisch en Artikel über si z schriibe.