Am Sunntig, 23. Juni 2019 isch en Änte mit ihre Junge e Zuefahrt zu Garage abegloffe. Wil si nüm zruck gfunde hend, hend Aawohner versuechd ihne z hälfe.
Es isch lang gange, bis das Änte-Drama a de Bifangstross es guets Ändi gfunde het. D Äntemuetter het de Wäg us em Vorplatz vor Garage a de Bifangstross nümm gfunde. Aawohner hend dann d Änte welle iigfange, d Muetter isch aber devo gfloge, so dass es zunächscht ned mögli gsi isch, alli mitenand z evakuiire. Nach öppe zwöi Stund isch es dann glunge, alli mitenand Richtig Langäcker z schüche.