De Siger vom Eidgnössisch Turnfäscht heisst diesmol nöd Wettige. Nach drü Turniirsiig i Folg hend 0.02 Pünkt de Usschlag geh.
D Erwartige sind höch gsi, d Vorbereitig intensiv und eigentlich het alles gschtumme: D Wettiger Turner hend bim alli sächs Johr stattfindende Eidgnössische Turnfäscht tolli Leischitge zeiged. Uf 30 Pünkt het es nöd glanged, wil d Richter für d Sprüng mit de Minitrampolin numme e 9.90 geh hend. Au das en super Wert und no lang am Samschtig am Abe sind di meischte vomene Wettiger Siig usgange, wo de virti in Folg wär gsi. Aber öppe um Nüni am Abe isch klar worde, dass de TV Wange mit 29.92 Pünkt d Nase e chli witer vorne het. D Enttüschig bi de Wettiger isch gross gsi und s wird wohl e chli Ziit bruuche, bis de zwöit Platz verdaut isch.
MIt finded aber di 29.90 Pünkt e super Leischtig und gratuliired härzlich. Und härzlich isch au de Empfang vo de Turner vor em Rothuus gsi, wo hüt, Sunntig, 23. Juni 2019 am Namittag stattgfunde het.