Am 30. März 2019 um Halbinüni am Abe werded für ei Stund alli Strosselampe abgschalte. Es isch Earth Hour.
D Earth Hour gits sit em 2007. Uf Aaregig vo WWF Australia hend Schtädt aagfange aneme Tag im März für ei Schtund d Strossebelüchtig und di vo öffentliche Gebäud und Sehenswürdigkeite uszschalte. Au Privat chönnd sich dra beteilige.
Im Rahme vo de WWF Earth Hour schalted i de Zwüscheziit tüüsigi Städt rund um d Wält für e Stund d Belüchtig ab. Au Sehenswürdigkeite, si schriibd d Gmeind in ihre Mediemitteilig, wi Big Ben z London, di Chinesisch Mauer und s Brandenburger Tor z Berlin siged unbelüchted. Au i de Schwiiz sind vili Städt derbi.
Gmeinsam wot me so es Zeiche für de Schutz vo oisem Planeten setze.
Wettige beteiliged sich ned zum erscht Mol a de Earth Hour. Scho früehner isch scho s Liecht vom Chloschter und em Sulpergchrüz abgeschaltet worde.
Grund für d Beteiligung vo Wettige a de Earth Hour, wo als Poschtulat vom Iiwohnerrot a de Gmeindrot überwise worde isch.