Am Sunntig, 24. März 2019 isch a de Lägere en Heli unterwegs gsi. D REGA het en Wanderer grettet, wo gschtürzt gsi isch.
Vo Wettige us het me hüt am Namittag en REGA-Heli chönne beobachte, wo mehrmols ums Wettigerhorn umme gfloge isch. Me het au chönne beobachte, wi en REGA-Retter uf em Grat abgsetzt worden isch.
De Grund für de Iisatz, so het d Füürwehr mitteild, isch en Wanderer gsi. En Maa isch uf em Grad gschtürzt und het us eigede Chraft nüm ins Tal chönne laufe. EInigi Aaghörige vo de Füürwehr sind zur Unterstützig vo de REGA ebefalls im Iisatz gsi.