Am Sunntig, 17. Februar 2019 isch gege di Nüni am Abe de BP-Shop a de Landstross überfalle worde. D Kantonspolizei (Kapo) suecht Züüge.
Miteme Messer bewaffnet isch en uubekannte Maa i de Tankschtellshop bi de Garage Küng und het Bargäld gfordered. Mit mehrere hundert Franke isch de Vermummt churz druf gflüchted. Zahlriichi Patrouille vo de Kapo und de Repol hend erfolglos nach em Flüchtige gsuechd.
De Maa wird folgendermasse beschribe:
Öppe 160 bis 165 cm gross, normali Statur, roti Jacke, blaui Jeans, Sunnebrülle und en Schal vor em Gsicht. Er het Schriftdütsch gred.
D Staatsaawaltschaft Bade het e Strofuntersuechig iigleitet. D Kapo suecht Augezüüge, wo Hiiwiis uf d Täterschaft chönnd geh (Tel. 056 200 11 11).