Bald weht en früsche Wind a de Bahnhofstrosse 49! Patty’s Hair und Nail-Salon wird zom goaför Nº49.
Sit 2007 bestood das Studio, per 12. Sepember 2018 werds denn vo de Giulia Tschudy us Wettige ubernoh und gleitet. Es wird es neus Logo gä und d Wänd bechömed en neue Astrich aber de Stil vom Salon wird bibhalte. Für die bestehende Chundinne und Chunde ändered sich ned mol d Telefon-Nummere.
D Giulia hed scho frühe gwüsst dass Sie emol en eigene Goaförlade wird ha. Nachere drüjährige, anspruchsvolle Usbildig in Ennetabde be Safran hed Sie erfolgrich s eidgenössische Fähigkeits-Zügniss dörfe in Empfang näh. I zahlriiche Wiiterbildigskürs zo Theme wie Farb- und Schnittechnik, hed sech Giulia uf de neusti Stand brocht.
Ihri Selbständigkeit gseht Sie als Ihri Passion und steckt ihres ganze Herzbluet i die Useforderig.
Ab em 12.September 2018 empfangt d Giulia d Chundschafft a de Bahnhofstrosse 46 z Wettige. Termine chönd bereits jetzt med Ihre abgmacht werde. Sie freut sech uf zahlriche Chundinne und Chunde… bestehndi und neui ..
uf de Huus-Sitte findet Ihr no meh Info’s:
Mer wünsche veel Erfolg und gueti Gschäft