«Statistik Aargau» veröffentlicht jewils im September d Date vo de leerstehende Wohnige und Hüser. Z Wettige isch de Wohnigsleerstand bi 0.46 Prozent.
D Date, wo de Kanton veröffentlicht het, lifered detailirti Zahle für alli Gmeinde im Kanton. D Aazahl Wohneinheite sind uf em Stand vom 31. Dezember 2024, de Leerstand uf em Stand vom 1. Juni 2025.
D Zahle zeiged, dass de Wohnruum z Wettige immer noch sehr chnapp isch. Vo 10’794 Wohnige oder Hüser sind numme 50 leer gsi, was zueme Leerstand von 0.46% füehrt. Im Einzelne sind es 14 1-Zimmer-Wohnige, 9 2-Zimmer-Wohnige, 13 3- und au 13 4-Zimmer-Wohnige und ei 5-Zimmer-Wohnig gsi. Da drunter isch keis Eifamiliehuus gsi und numme 1 Noibauwohnig (in de letschte zwöi Johr baud).
Im Aargau isch d Situation e chli weniger aagspannd, aber gliichwohl git es Wohnigs-Chnappheit. De Wert liegd nämli mit 4’102 Leerwohnige uf 348’656 Wohneinheite bi 1.18% Leerstand. Erscht ab 1.5% gilt de Märt als entspannd.