D Badefahrt bringt ned numme Ännetwettige in Fäschtlaune. Au z Wettige esch d Freud jewils gross.
Wettige stoht im 2027 ganz im Zeiche vom Chlosterjubiläum. Es isch dann 800 Johr her, dass de Heinrich vo Rapperswil S Chloschter gründ het. De Kanton wird Aaläss unterstütze und au de Iiwohnerrot het 150‘000 Franke gnehmiged.
Aber au z Ännetwettige wird gfiired. Wie s OK hüt Tsischtig 9. September 2025 bi eme Medieaalass mitteild het, wird s Fäscht vom 20. bis zum 29. Auguscht 2027 stattfinde. S Motto wird «Echo» si und isch vo Schüelerinne vo de Kanti Wettige kreiert worde. S Motto stoht für d Wechselwirkig, d Verbindig und de Wandel und für es Fäscht, wo wit über Ännetwettige use hallt.
S OK vo de Badefahrt wird zum erschte Mol i ihrer 100-jährige Gschicht vo ere Frau gleitet. D’Karin Madliger, wo bi de letschte Uusfüerig für d’Finanze zueschtändig gsi isch, hets Präsidium vom Oliver Eglin übernoh.
Das beliebti Volksfäscht, wo zu de gröschte vo de Schwiiz zellt, chunt mit em Termin im 2027 zu sim traditionelle Rhythmus zrugg, will es i de Johr mit de Endziffere 2 (hüfig als Stadtfäscht oder «chlini» Badefahrt) und 7 stattfind. D’Uusgab im Johr 2023 isch en Uusnahm gsi, wäg em 100-jährige Jubiläum vo de erschte Badenfahrt im Johr 1923.