Scho sit em 2022 produziert d LägereBräu (LB) de Cider vo «Dietiker Cider» z Wettige. Jetzt isch de Cider uszeichned worde.
D Gschecht vom «Dietiker Cider» hed im 2017 z Dieitke sin Aafang gnoh und wird sit em März 2024 vo de LB witergschrebe. Bim Bier het d Wettiger Brauerei scho einigi Uszeichnige chönne entgegeneh, jetzt isch au de Cider prämiert worde. Be de Zweite Swiss Cider Awards het d LB drü Uszeichnige becho.
De Dietiker Cider «Erdbeer» (mit echtem Fruchtfleisch) het mit 87 vo 100 Pünkt d Uszeichnung in de Kategorie «Fruit» als beschte Vertreter becho. D Cider «Hopfen» (mit de Hopfen Centennial kaltghopft; 82 von 100) und «Ingwer» (mit Bio-Ingwersaft; 70 von 100) sind ebefalls für di hohi Qualität uszeichned worde.
Wenn Ihr jetzt Lust becho händ, chönd Ihr di Cider direkt im Taproom vo de LB go probiere.
(uf de Foti: Gründerteam, v.l. d Laura Kappeler, d Andrea Stehrenberger und de Carlo Kappeler, mit em Gschäftsführer vo de LägereBräu, em Lukas Porro, 2. vl)