Am Mentig, 10. Februar 2025 am Vormittag isch auf de Autobahn en Lieferwage mit eme Baustellefahrzüüg zämmedätscht. Zum Glück het sich niemed verletzt.
Am Mentigmorge het de National Strasseunterhaltsdienscht NSNW auf de A1 z Wettige gschaffed. Dodefür isch de Normalstreife Richtig Bärn gesperrt gsi, schriibd d Kantonspolizei innere Mitteilig.
D Tagesbaustell isch signalisiert gsi. D Signalisation het en Fahrer vomene wiise Mercedes-Lieferwage ned gseh. Us dem Grund isch de 54-jährig uf em gsperrte Normalstreife witergfahre und in de Folg mit em Anpralldämpfer vom Baustellesicherigsfahrzüüg kollidiert.
Zum Glück het sich niemed verletzt und es het au, trotz dichtem Vercher, kei witeri Kollisionen geh. Am Lieferwage und em Baustellefahrzüüg hets aber en Schade vo mehrere zehtuusig Franke geh.