Wie d EVP innere Mediemitteilig schriibd, empfiehlt de Vorstand vo de EVP Wettige-Limmattal de GV d Nomination vo de Lilian Studer für d Gmeindrotswahle am 28. September 2025. Sie wird für de Gmeindrot und als Frau Vizeamme kandidiere.
S Kandidatefeld für d Wahle vom Gmeindrot wird um e prominenti Wettigeri ergänzt. Mit de Lilian Studer schickt d EVP e erfahreni Politikeri ins Renne, sowohl für de Gmeindrot, wie au als Vizeamme.
D Lilian Studer isch z Wettige ufgwachse und kennt d Mönsche und Läbesumständ do bi ois bestens. Si gseht Wettige als dynamischi Gmeind mit grossem Potential und wot sich für de Erhalt vo de hohe Läbesqualität iisetze. Bsunders am Härze liged ihr d Bildig, e nachhaltigi Infrastruktur und d Förderig vom gsellschaftliche Zämmehalt.
Für d Lillian Studer, wo vili Johr im Grosse Rot, aber au im Nationalrot, politisiert het und wo aktuell Präsidenti vo de EVP Schwiiz isch, wär en Sitz im Gmeindrot s erschti politischi Amt z Wettige und s erschti Exekutivamt.