Am Mittwoch, 31. Januar 2024 isch d Füürwehr am Namittag a di unter Landstross usgrückt. Us ere Wohnig isch Rauch cho und wo Rauch isch, do isch Füür.
Es isch öppe um Halbivieri am Namittag gsi, wo mir vernoh hend, dass d Füürwehr d Landstross durab isch. Meh und meh Füürfahrzüüg sind gfolged und d Landstrass isch vom Rabechreisel bis uf Bade gsperrt worde. S Füür isch schonts schnell glöscht gsi, aber en Füürwehriisatz isch dodemit no ned z Änd. S Huus muess au rauchfrei werde und me muess sicher si, dass de Brand ned no einisch ufflammt.