De Iiwohnerrot het sich am Donnschtig, 25. Januar 2024 zu sinere erschte Sitzig vom Johr troffe. Es het wichtigi Entscheid troffe.
De vom Gmeindrot iigfädlede Tuusch vo de Parzelle am Egge Rosenauwäg/Hardstross gege e Wohnig in de Überbauig, wo det sell entstoh, isch vom Iiwohnerrot grossmehrheitlich gnehmiged worde. D Zuestimmig isch öppe bi 2/3 gläge.
Au de Studieuftrag für d Durchfüehrig vomene Studieuftrag für s Oberstuefezentrum im Margeläcker isch gnehmiged worde. De Iiwohnerrot het, nachdem de Chürzigsaatrag vo de FDP abglehnt worde isch, s Kreditbegehren über 1’370’000 Franke ohni Gegestimm gnehmiged. D Fraktion SVP het sich, mit einere Usnahm, enthalte. Aaschlüssend isch es um personelli Ressource in de Abteilig Bau & Planig und für d Schuel gange, um s ganze Projekt ums Oberstuefezentrum gute z begleite. D Finanzkommission het welle weniger gnehmige und d FDP au. Nach ere usfüehrliche Diskussion sind d 100%-Stell bi de Bau & Planig und d 40% bi de Schuel gege d Stimme vo de FDP und de SVP gnehmiged worde. Au de Nachtragskredit über 137’000 Franke zur Finanzierig isch gnehmiged worde.
Danach sind no 7 Vorstöss behandled worde und danach het de Christian Oberholzer di erscht Sitzig unter sinere Leitig chönne beende.