En Ännetwettiger het z Wettige es Asylgsuech gstellt. Was esch do los?
Z Wettige esch es Asylgsuech vome Bürger vo Ännetwettige itroffe, wie me im Rothuus het chönne verneh. Es handeld sich schints um de Hieronymus Füdlibürger, wo uf eusere Site vo de Limmig Schutz suechd. Ihm söll hütt vor em hohe Grecht vom Canton Bade de Prozess gmacht werde. Das Gsuech dörfti kei grossi Chance ha und so werd hüt Obig nach de halbi Sebni, im Grabe zo Ännetwettige es strängs Urteil gege de Füdlibürger erwartet. D Staatsaawaltschaft fordered jedefalls d Höchschtstraf: Verbrennig uf en Schitterhufe.