S Urteil esch vollzoge! De Hieronymus esch uf em Schitterhufe hiigrechtet worde.
Es esch cho, wie es het müesse cho. Nach eme unfaire Prozess, bi dem alli Bemüehige vom Verteidiger nüt gnützt händ, esch de Hieronymus Füdlibürger z Ännetwettige verbrönnd worde. Dur de Entscheid hed aber Ännetwettiger Fasnacht chönne loslegge. No wo’s Füür brennt hed, händ Wettiger Schnüffler einig Stück zom Beste gäh. Im Verlauf vom Obig send uf de Bühni uf em Schlossbergplatz ei Clique nach de andere uftrette und händ dere Fasnacht ghörig iigheizt.
Uf de Huus-Sitte vo de Ännetwettiger Fasnacht findet Ihr meh Details