Jedes Johr am erste Mittwoch im Februar werded in de Schwiiz d Sirene teschtet. I dem Johr isch es am 1. Februar 2023.
Bi de Sirenekontrolle werded jewils di stationäre und di mobile Sirene teschtet, wo im Ernschtfall d Bevölkerig würded allarmiere. Vom Halbizwöi bis um Zwöi wird s Signal für en «allgemeine Alarm» usglöst, en uf- und absteigende Ton, wo e Minute duured. We de Ton ned innerhalb vo dere halb Stund, sondern aneme andere Tag oder ere andere Ziit z höre isch, de sell me Radio losse und d Nachbuure informiire. Unter sirenetest.ch find me Hiwiis und Verhaltensregle.
Unterhalb vo de Staumuur Wettige wird zudem de Wasseralarm teschted. De Tescht finded vom Virtelabzwöi bis um Viirtelabdrü statt. S Zeiche für de Wasseralarm sind zwölf tüüfi Duurtön vo je 20 Sekunde miteme Abstand vo 10 Sekunde zwüsche de Tön. Im Alarmfall würd immer erscht s Signal für de «allgemeine Alarm» usglöst und biere Alarmiirig muess me s Gfährdete Gebiet sofort verlah.
I jedem Fall isch de Aawisig vo de Behörde Folge z leischte.
Sit einiger Ziit chamer sichau via APP oder de Huus-Sitte vo alert.swiss informiere loh.