Ölspur durch Wettige

D Ölwehr vo de Füürwehr het hüt am Namittag en Iisatz gha. De Vercher isch teilwiis ungleitet worde.

Am Samschtig, 7. Januar am Namittag het es Fahrzüüg es langi Ölspur bis uf Ännetwettige hinterlah. Wil Öl uf de Fahrbahn gfährlich isch, bsunders we me muess bremse, het Füürwehr d Ölspur mit Ölbinder „bekämpft“. Mindest vo de Mattestrass über d Staffel- und Landstrass bis uf Ännetwettige isch d Ölspur gange. Uf de Wettiger Site isch d Füürwehr Wettige im Iisatz gsi, in de Schönau- und Schartestrass uf em Gmeindbann vo Ännetwettige d Stützpunktfüürwehr vo dete.