En Lernfahrer isch verunfallt

Am frühe Mittwochmorge isch en PW-Lenker gege en Baum gfahre. De Lernfahrer isch starch alkoholisiert gsi, schriibd d Kantonspolizei innere Mediemitteilig.
Es isch am Mittwoch, 28. Dezember 2022 churz nach de Zwöi am Morge gsi, wo en 17-jährige PW-Lernfahrer vo de Winkelriedstrass in d Etzelstrass het welle abbiege. Er het de Rank ned gfunde, isch vo de Strass abcho und gege en Baum prallt. Er und sin 18-jährige Mitfahrer sind unverletzt blibe, de Sachschade am Fahrzüüg isch aber erheblich, schriibd d Kapo.
D Kapo het Ermittlige ufgnoh, zum Kläre vo de Ursach vom Unfall. En Überprüefig vo de Fahrfähigkeit vom Fahrzüüglenker het em Wert vo 1.5 Promille ergeh und das au no miteme Lernfahruswiis. AU de 18-jährig Mitfahrer isch starch alkoholisiert gsi und het numme en Führeruswiis uf Probe gha. Zudem isch er uf de Rückbank gsässe, was biere allfällige Lernfahrt ned zuelässig wär. So isch beidne de Fahruswiis zuhande vom Strasseverchersamt entzoge worde.