WeltWiitWettige (offiziell «WorldWideWettige») esch e Veraastaltigs-Reihe für Wettige, wo im Johr 2021 vo 4 Wettigerinne und Wettiger gründet worde esch. Di zwöit Reihe laufd sit em Oktober.
Mer händ scho über de Start von dere Veraastaltigsreihe im Oktober 2021 brechtet, wo in Kooperation mit de LägereBräu im Schalander oder em BierAtelier stattfind. I dem Johr esch am 19. Oktober de Uftakt mit de Maria Magdalena Kaufmann gsi.
Am Mittwoch 16. Oktober esch dann de Thomas Benz z Gast gsi, quasi es Heimspiel. De Thomas Benz, als Gründer vo de LägereBräu bekannt, hed a dem Obig über sech brechted. Er hed über d Gründig und de Ufbau vo sim «Baby» de LägereBräu verzält und einige Details dezue erklärt, wie und warum es dezue cho esch. Au zo sinere Uusziit, wo er sech gönnt hed, nach dem d LägereBräu uf de eigene Bei hed chönne stoh. Vo de Erlebniss uf de Wanderig Rechtig Norde, bis as Nordkap. Was de Thomas hütt macht, nach em Tripp as Nordkap: Er he’d bem Obrist aagfange und esch aktuell Verwaltigsratspräsident vo de LägereBräu, also es Stück heicho zo sinere Idee vom Bier vo Wettige.
Zur Istimmig vom Obig hed d Blöserbandi vo de Wettiger Musigschuel eis, zwei Stück gspielt, ABBA, Michael Jackson und anderi bekannti Stück händ sie i ihrem Repertoire. Das ganzi under de Leitig vom Roger Dietiker.
Die nöchste WWW-Gäscht, im Schalander, jewiils am Mittwoch ab 19.00 Uhr, sind:
– 7. Dezember 2022 – d Nikol Camenzind
– 18. Januar 2023 – de Fabian Rimann
– 22. Februar 2023 – folgt no
– 8. März 2023 – Hansueli Loosli
Meh Info ged’s uf de Huus-Sitte: www.worldwidewettige.ch