De Grund für de Grossiisatz vo Polizei und Ambulanz im Lindehofquartier esch klärt. S Badener Tagblatt het rechechiert, dass inere Wohnig en tote und en schwerverletzte Maa gfunde worde esch.
Wi bereits brichted, esch am Sunntig, 13. November 2022 en Grossiisatz vo Polizei und Ambulanz im Lindehofquartier gsi. Nach erschte Ussage esch d Polizei usgrückt, wil si e Meldig über zwöi verletzti Persone innere Wohnig becho het. Bim Iiträffe het d Polizei dann en tote und en schwerverletzte Maa vorgfunde.
D Recherche vom Badener Tagblatt hend ergeh, dass es sich bim Verstorbene um en 69-jährige Chines handled, wo in de Region wohnhaft gsi esch. De schwer verletzti Maa sig demnach den 63-jährige Vietnames gsi. wo z Wettige wohnt. Er esch ins Spital brochd worde. D Umständ vom muetmassliche Tötigsdelikt sind no ned klärt, aber d Staatsaawaltschaft het gege de Schwerverletzti es Strofverfahre eröffned.