D Chilegmeinde hend gwählt

created by dji camera

Nebe de nationale und einere kantonale Abstimmig hend di Reformierte und d Katholike ihri Behörde und gwählt. Bi de Reformierte und bi de Katholike sind alli gewählt worde.

D Ergäbnis vo de Wahle bi de Reformierte Chile Wettige-Noiehof sind bi de Chile im Ifochaschte ufghängt und werded am Mentig uf de Website ufgschalte. Alli Kandidierendi sind gewählt worde.

Im Einzelne heisst das, dass d Margrit Wahrstätter als Präsidenti 430 Stimme becho het, als Chilepflägeri 468, d Iris Baroncelli 455, de Christian Forrer 457, d Elisabeth Ganz (neu) 447, de Jörg Laaser 455, d Angela Mannarino 460, d Maja Padiyath 457, de Tim Schnoor 461 und de André Widmer 461 Stimme.
Bi de ordinierte Dienst het de Pfarrer Stefan Burkhard 543, de Pfarrer Lutz Fischer-Lamprecht 548, d Pfarreri Renate Bolliger König 545, de Sozialdiakon Michael Schatzmann 551 und d Sozialdiakonin Yvonne Keller 534 Stimme becho. S absoluuti Mehr het bi denen Wahle zwüsche 275 und 289 gläge. Au d Mitglieder vo de reformierte Synode, em Chileparlament vo de Reformierte Landeschile, sind gwählt worde. Das sind de Lutz Fischer-Lamprecht, designierter Synodepräsident für d Legislatur 2023/26, mit 478, d Margrit Wahrstätter mit 464 und noi d Cilgia Vögeli mit 469 Stimme gwählt worde. D Stimmbeteiligung het bi 18.5% gläge und isch dodemit dütlich höcher gsi wi vor 4 und au vor 8 Johr.

Bi de römisch-katholische Chilegmeind isch de bisherig Präsident vo de Chilepfläg, de Bernhard Lang, mit 568 Stimme im Amt bestätiged worde. Als Chilepfläger het er 695 Stimme becho. In d Chilepfläg sind au alli bisherige widergwählt worde, de Marcel Aebi mit 639, d Christina Vögelin mit 704, de Vincenzo Santoro mit 693, de Franz-Beat Schwere mit 669 und de Raymond Alvarez mit 697 Stimme. Für d Synode vo de röm.-kath. Landeschile sind de Markus Brunner mit 681, de Andreas Egloff mit 667 und d Christine Lehmann mit 659 Stimme gwählt worde.
Au d Pfarreirät sind gwählt worde. Do het für St. Sebastian d Eveline Amherd 600, d Brigitte Zimmermann 604, de Ulrich Edwin Immler 585 und d Irene Grossmann 609 Stimme becho. Für St. Anton sind de Oliver Bucher mit 548 und de Carlos Pinzon mit 546 Stimme gwählt worde.
Als Pfarreileiter het de Markus Heil 678 Stimme becho.

Wie au bi de politische Ämter im Aargau, goht d Legislatur in beidne Landeschilene 4 Johr, so dass di nächschte Wahl im Herbst 2026 werded stattfinde.