Wettige isch im Rating vo de Handelszitig uf Platz 7 im Aargau

DCIM100MEDIADJI_0269.JPG

D Handelszitig veröffentlicht jedes Johr es Rating vo fascht 1’000 Schwiizer Gmeinde. Wettige isch dütlich vor Ännetwettige uf Platz 152.
Ratings sind beliebt, bsunders we me wit vore platziert isch. Bim Rating vo de Handelszitig fürs 2022 gshets für d Aargauer Gmeinde dütlich schlechter us. Oberwil-Lieli, wo es im letschte Johr Schwiizwit uf Platz 14 isch numme no uf Platz 68 z finde und isch vo Mäischterschwande überholt worde, wo schwiizwit uf Platz 49 stoht und im Aargau uf Platz 1. Wettige isch uf eme guete 7. Platz im Aargau, dütlich vor Aarau, wo uf Platz 12 im Aargau und 167 i de Schwiiz isch und vor de Nachbarstadt Ännetwettige, wo im Aargau numme uf Platz 15 und i de Schwiiz uf Platz 197 landed.
S Rating bewerted Arbet, Wohne, Bevölkerigsstruktur, Stüüre, Vercher, Versorgig, Sicherheit und Ökologie. Ännetwettige het Nase bi de Arbet, Bevölkerigsstruktur, Stüüre, Vercher und Versorgig vore, Wettige punktet vor allem bim Wohne und de Sicherheit. Bsunders bim Wohne isch de Vorsprung uf Ännetwettige so höch, dass es langed, um d Stadt hinter isch z lah.