S Kantonali Turnfäscht, wo im Juni 2022 im und ums s Tägi gsi isch, isch gfüehlt scho ewig vorbi. Letschte Tsischtig hend d Gmeindröt vo de drü beteilgte Gmeinde sich bim OK für de Iisatz bedankt.
Vier Verein hend mitenand d Organisation vom Kantonale Turnfäscht (KTF) gstemmt,k wo vom 15. bis zum 26. Juni z Wettige stattgfunde het. Es sind de STV Noiehof, de DTV Wettige, de STV Wettige und TV Würelos gsi. S Organisation-Komitee vom Anlass hets uf sage und schreibe 88 Persone brichd. Die alli sind vo de 17 Gmeindröt vo de drü Gmeinde zueme Anlass ins Tägi iiglade worde.
Nach de Begrüessig dur de Wettiger Gmeindamme Roland Kuster hend sich alle 63 Aawesende ins Gartebad begeh, wo als Zeiche vom Dank und in Erinnerig an das coole Fäscht s Logo vom Turnfäscht enthüllt worde isch. Es sell im Tägi bliibe.
Bim aaschlüssende Imbiss hend die Beteiligte ihri Erinnerige an das grossi Fäscht, wo öppe 13’500 Turnerinnen und Turnern e Bühni bote het, chönne ustuusche.