Helfer gsuecht, zum Sturmschäde beseitige

Am Donnschtig, 23. Juni 2022 isch es churzes aber heftigs Unwetter über Wettige zoge. Uf em Fäschtgländ vom Turnfäscht hets Schäde geh, wo müend behobe werde, aber d Wettkämpf chönnd wie planed stattfinde.
S Unwetter vom Abe het einigi Sturmschäden uf em Fäschtgländ vom Kantonale Turnfäscht aagrichtet, schriebed d Organisatore uf ihre Website. Personeschäde hets ned geh, d Hauptinfrastruktur isch ned beschädiged und bi de Wettkampfaalage hets au kei grossi Schäde geh. Us dem Grund chas zwöite Fäschtwochenänd planmässig starte.
Gliichwohl hets chlineri Sturmschäd geh, wie Absperrgitter, wo umgheit sind, Tafle und Blache, wo umeliged und Faltzält, wo beschädiged sind. Das alles muess hüt am Morge ufgrumed werde.

Us dem Grund sueched s OK Helfer, wo sich hüt am Morge ab de Achti bim deckte Iisfäld vom Tägi bim Check In für Volunteer chönnd aamelde, Dete werded d Ufträg koordiniert. Wenn vorhande, dann bitte Arbeitshendsche, Schere, Japanmesser und Sackmesser mitneh.

Bi Frage cha me sich bi info@wettingen2022.ch oder Tel. +41 79 303 77 48 melde.