D Initiative «Lebendiges Wettige» esch de Gmeind übergeh worde

Meh wie 1500 Unterschrifte hets Initiativkommitee hüt em Gmeindamme übergeh. D Unterstützig in de Bevölkerig esch gross.
D Pandemie het s Sammle vo de Unterschrifte für d Initiative «Lebendiges Wettige» schwirig gmachd. Es het fascht kei grösseri Veraastaltige geh, bi dene me het chönne sammle. Gliichwohl sind nach numme 3/4 vo de Ziit, wo me zum Sammle zur Verfüegig het, scho meh Unterschrifte zämme cho, wie es bruchd.
Vertreter vom Initiativkomitee hend d Unterschrifte am 3. März 2022 ere Delegation vom Gmeindrat übergeh. Nach de Prüefig vo de Unterschrifte wird sich de Gmeindrat mit de Initiative befasse und allefalls en Gegevorschlag usschaffe. Zum Schluss chund d Initiative dann vors Volk. Wann isch no offe.