Am Mentig, 28. Februar 2022 kurz ab de Halbizehni isch d Füürwehr alarmiert worde. Grund isch en Chemibrand gsi.
«Brand Gross, Feuer aus Kamin, Rauch aus Dach» het es gheisse, wo d Füürwehr alarmiert worden isch. Für Füürwehrlüt tönt das ned guet. Bim Iisatz isch dann aber schnell klar gsi, dass es «numme» en Chemibrand isch.
Witere Schade get durch schnells Iigrife chönne verhindered werde und de Rauch het d Füürwehr mit em Lüfter us em Gebäud use blose. De Hubretter het dann no em Chemifeger gholfe.