D Kantonspolizei (Kapo) meldet für Heiligabe nün Iibrüch im Kanton. Eine devo isch z Wettige gsi.
D Wiehnacht wird bi ois meischt als Familiefäscht gfiired, was zur Folge het, dass in de ei oder ander Wohnig niemed isch, wenn’s dunkel wird. Iibrecher nutzed das us und so sind de Kantonspolizei sit geschter am Abe insgesamt nün Iibrüch gmeld worde. Nebe Wettige sind au Eifamiliehüser und Wohnige z Oberroodlef, z Brugg, z Birr, z Rüfenach, z Birmischtorf, z Gräniche und z Magde betroffe gsi.
Au für hüt am Abe warnt d Kapo vor Iibrüch und empfiehlt, s Huus oder d Wohnig hell erlüchtet zruck z lah und bi Verdachtsfäll in de Nachbarschaft em 117 aazlüte.