D Sirene sind ned z überhöre gsi, am Tsischtig, 21. September 2021 am spote Namittag. Füürwehr, Ambulanz und Polizei sind im Margi im Iisatz (gsi).
«Was isch los im Margi», hend sich hüt gege Abe vili Lüt gfröged. D Sirene vo de Iisatzfahrzüüg vo de Füürwehr, de Ambulanzfahrzüüg und mehreri Patrouillie vo de Polizei sind ned z überhöre gsi. Nach oisne Informatione isch en Brand im Margelächer I de Grund gsi, wo au zunere starche Rauchentwicklig gführt het. Au vo Iiliferige ins Spital isch d Red gsi und d Füürwehr isch bis in d Nacht im Iisatz gsi, zum de Rauch us em Schuelhuus z blose.
Für witeri Detail hed d Kantonspolizei e Medienmitteilig aakünd, wo aber aktuell no ned veröffentlicht worde isch. Mir werded oi informiere, wenn ois witeri Informatione vorliged.