Gester isch de Tabelleführer vo de 2. Liga im Stadion Alteburg z Gascht gsi. Gege de FC Sarmenstorf hets nach eme spannende Match es Unentschiede geh.
In de erschte Halbziit isch de Match no Media eso spektakulär gsi. Beidi Teams hend e paar Chance gha, aber es isch kei Überraschig gsi, dass es i de Pause immer noch 0:0 gheise het.
In de zwöite Halbziit het Sarmemstorf de besser Start verwütscht. Nach Goal in de 53. und de 56. Minute hets 0:2 gheisse und au aaschlüssend sind d Freiämter em 3. Goal meischt nöcher gsi, wi d Huusherre em Aaschlusstreffer. In de 74. Minute het dann de Dennis Miolo s 1:2 gschosse, so dass d Wettiger noii Hoffnig gschöpft und uf de Usglich drängd hend. In de 85. Minute het dann de Almedin Qerimi für Wettige de Usgliichsträffer chönne schüsse, was letztendlich au s Schlussresultat gsi isch.