![wp-16243549714376229220877099973801.jpg](https://wettiger-nochrichte.ch/wp-content/uploads/2021/06/wp-16243549714376229220877099973801-678x381.jpg)
D Überraschig isch gross gsi, wo de Ratspräsident am Tsischtig, 22. Juni 2021 d Ratssitzig in de Umwältarena eröffnet het. Di beschtgwählti Grossrätin vom Aargau tritt zruck.
Wi de Grossratspräsident Pascal Furer bi de hütige Sitzig z Spreitebach mitteild het, tritt d Michaela Huser us em Grosse Rat zruck. Uf Facebook und Twitter teild si mit, dass si sich als werdendi Muetter uf ihri Familie, de Bruef und d Politik uf kommunaler Ebeni wot konzentriere. Au wenn si also em Iiwohnerrat erhalte blibd, wird si s Fraktionspräsidium dete a de Martin Fricker abgeh.
Mir vo de Wettiger Nochrichte wünsched de Michaela alles Gueti!