Am Fritig, 7. Mai 2021 het d‘ Nominationsveraastaltig vo De Mitti CVP Wettige im Tägi statt gfunde. Um alli Corona-Regle zerfülle het sech s Tägi-Team en ganz spezielle Ort deför usdänkt: S ehemalige Ishockeyfäld esch ines Garterestaurant umgwandlet worde.
Für d Nominationsveraastaltig isch s überdachti Iisfäld mit Füürschale ond orangi Liechtspot usgstatted worde. So het alles no chli fäschtlicher lo usgseh ond d Trychlergruppe vom Burghorn het för de musikalischi Uftackt gsorgt.
D Mitti – CVP Wettige esch eini vo de erschte Parteie, wo ehri Kandidatinne ond Kandidate vorstelle. 23 send bereits nominiert, wieteri werdet no folge.
De Gmeindamme Roland Kuster, de Gmeindrot Sandro Sozzi ond s Stürkommissionsmitglied Andrea Marbach-Egloff werdet erneut zur Wiederwahl aträtte. Zahlriechi Parteimitglieder, wie au de Regierigsrot Markus Dieth händ de Obig under dene spezielle Vorussetzige wege Corona, glich chönne gnüsse ..