Chömmed morn Demonstrante uf Wettige?

Die morn z Wettige planti Corona-Demo isch ned bewilliged worde. D Polizei rächned gliichwohl mit Demonstrante.

De Gmeinderot het di planti Demo gege d Coronamassnahme ned bewilliged und de Regierigsrot het den Entscheid gschtüzt. E Garantie, dass Demonstrante orn ned uf Wettige chömmed, isch das aber ned, wi me au scho in andere Schwiizer Städt het chönne gseh.

D Kantonspolizei rüeft Unbeteiligti us dem Grund uf, Aarau und Wettige morn z miide. Ineme Video het sich d Polizei direkt an möglichi Demonstrante grichtet und betont, dass di politische Aalige meh Ufmerksamkeit hetted, wenn neiemd würd cho, wil bi unbewilligte Demos vor allem über de Iisatz vo de Polizei brichted würdi.

Klar isch au, dass d Polizei uf au für de Fall parat isch, wenn unbewilligti Demonstrante würded cho.