Fast drü Millione für Sonderbauwerk

S Regebecki unter de Tödistrass

Vom Abwassersystem wüssed di meischte Lüt wenig. Hauptsach si funktioniered. Damit das eso blibd, sind baulichi und elektromaschinelli Sanierige notwendig.
Im Wettiger Untergrund gits nebe de Zivilschutzaalage und vile Werkleitige au «Sonderbauwerk», wo für d Entsorgig vom Abwasser notwendig si. Di systemrelevante, wo zwüsche 1964 und 1996 baud worde sind, selled in de Bausubstanz erhalte bliibe und für di nächschte 50 Johr funktionstüchtig bliibe. Dodefür bruuchds e Sanierig, wo au di aktuell Gsetzgebig vom Grundwasserschutz und de Arbeitssicherheit berücksichtiged.
Konkret gohts ums Pumpwerk Aesch und d Regebecki Bahnhof, Schwimmbadstrass und Tödistrass, für di de Gmeindrot em Iiwohnerrot es Kreditbegehre über 2’940’000 Franke dued unterbreite. Nebe de Sanierig vo de Baute wird au d Stüürig uf de notwendig Stand brochd, so dass si direkt vo de ARA im Turgi us chönnd gstüüred und bewirtschftet werde. D Finanzierig laufd über de Eigewirtschaftsbetriib vo de kommunale Abwasserentsorgig.