Baum für es bessere Klima

Foti: Gaby Kost

Am letschte Fritig, 23. April 2021 het d Gmeind Wettige im Rahme vo de Aktion Klimaoase en Baum übecho. Er isch im Areal Margelächer pflanzt worde.

D Aktion Klimaoase wird vom Naturama z Aarau koordiniert und unterstützt. Si het zum Ziel, dass d Gmeinde meh Bäum im Sidligsgebiet pflanzed. Si steigered d Läbesqualität und bringed Schatte und kühleri Luft ins Sidligsgebiet. Grad au wege de Klimaerwärmig chönnd d Gmeinde scho jetzt de Überhitzig vom Sidligsgebiet öppis entgegesetze.

De Nussbaum, wo am Fritig pflanzd worde isch, sell sich i de nächschte Johrzehnt zueme grosse Baum entwickle, wo dann au tatsächlich en Uswirkig ufs Mikroklima het.