S Gebäud vo de Raiffisebank sell durch en Noibau ersetzt werde. Bis do anne sell de Kundschaft es Provisorium zur Verfüegig stah.
D Noibau-Plän vo de Raiffisebank sind schon sit Jahre es Thema und s Baugsuech für de Noibau wird nach em Ziitplan vo de Bank demnächscht iigreicht werde. Bi de Gmeind liit jetzt s Baugsuech für s Provisorium uf, wobi es e chli verwirrend isch, dass sich s Titelblatt vom Gsuech uf de Noibau bezieht und ned ufs Provisorium. Ab Site zwöi isch dann z gseh, wi s Provisorium sell usgseh und wo es platziert wird. Es sell uf de Parkplatz bim EW-Gebäud a de Alberich-Zwyssigstrass ufgsstellt werde. D Bankkunde chönd dann au während de Bauphase ihri Bankgschäft z Wettige erledige.
