Um d Frog, wann z Wettige d Strassebelüchtig sell abgschalte werde, hets heftigi Diskussione geh. De Gmeindrot het jetzt entschide, wi es witergoht.
Sit em 17. Februar 2020 wird d Strossebelüchtig nachts vom 1 bis um 4i abgstellt. Anderscht wi zum Bispil z Ännetwettige, het d Nachabschaltig vo de Kandelaber aber zu Diskussione bis hin zu Drohige gführt.
Im Iiwohnerrot sind i verschidnige Vorstöss, wo in de Mönet vorher iigreicht worde sind, bi de Sitzig im November 2020 behandled worde. Es het sich zeiged, dass vor allem d Abschaltig in de Nächt vom Fritig uf de Samschtig und vom Samschtig uf de Sunntig für problematisch ghalte werded und, dass de Gmeindrot, also de Exekutive, di Zite z entscheide het und de Iiwohnerrot numme über d Finanze cha stüüre, aber ned di konkrete Ziite cha feschtlege. Un de Gmeindrot het jetzt entschide.
Wil d Zug- und Busverbindige vo und uf Wettige unter de Woche zum gröschte Teil vor de Eis i de Nacht änded, hält de Gmeindrat en Abschaltig ab de Eis fäscht, d Ziit wird sogar bis um Föifi verlängered. Dodefür wird in de Nächt vom Wochenänd, also zwüsche Fritig und Sunntig ganz uf d Abschaltig verzichted, au wil es den im öffentliche Vercher Nachtverbindige git..