Am Tsischtig, 22. Dezember 2020 het im Fiirabigvercher d Seminarstrass wegeme Unfall gsperrt werde müesse. D Kantonspolizei suecht Züüge.
De Unfall het sich kurz ab de Föifi am Abe uf de Seminarstrass Höchi Austrasse, also z Bade ereignet. En 30-jährige Automobilist het en Fuessgänger ned gseh, wo über de Fuessgängerstreife het welle. Bi de Frontalkollision isch de Fuessgänger schwer verletzt worde und het miteme Rettigsheli ins Spital brochd werde müesse.
Für d Tatbestandsufnahm isch d Strass öppe drü Stund lang gschperrt gsi, schriibd d Kapo innere Mediemitteilig.
Di zueständig Staatsaawaltschaft het es Strafverfahre eröffnet und de Automobilist het de Führeruswis müesse abgeh.
Uskunftspersone, wo Aagabe zum Unfall mache chönnd, bsunders d Ersthelferi, selled sich bim Stützpunkt Brugg (Tel. 062 835 85 00) vo de Kapo melde.