Nachdem s Budget 2020 im Februar vom Volk abglehnt worde isch, isch d (Aa-) Spannig vor de Abstimmig fürs Budget 2021 gross gsi. De Entscheid vom Iiwohnerrot aneme Stüürfuess von 95% feschtzhalte, isch umstritte gsi.
D Ablehnig vom Budget 2020, het höchi Welle gworfe und de Regierigsrot het de Stüürfuess im April uf 95% fäschtglegt. Er het aber betont, dass bi ere ernoite Ablehnig vom Budget langfristigeri Überlegige e grösseri Rolle würded spile.
Fürs Budget 2021 wird das aber kei Rolle spile, wil di Stimmberechtigte s Budget mit 87.2% vo de Stimme aagnoh hend. Di Stimmebetiligung isch bi 30.72% gsi.