A de Landstross hets brönnd

D Füürwehr, Polizei und d Ambulanz sind wegeme Brand mit zahlriiche Fahrzüüg a de untere Landstross im Iisatz gsi. I de Soziale Medie isch de Iisatz es grosses Thema.
Blauliecht und Sirene d Landstross durab, de Hubretter, s Tanklöschfahrzüüg, s Universallöschfahrzüüg und vili anderi Fahrzüüg im Iisatz und en Stromusfall. Uf Facebook sind alli möglichi Informatione zum Iisatz vo de Füürwehr Wettige gegenüber vo de Papetrie Christen zammecho.
I de Zwüscheziit het Füürwehr uf ihre Website witeri Details bekannt geh. Usbroche isch de Brand im Lade. D Bewohner hend nach em Iisatz retour in ihri Wohnige chönne.

Mir hoffed, das kei Mönsche z Schade cho sind und danked de Füürwehr für ihre Iisatz für d Sicherheit vo de Wettiger Bevölkerig!