Zämme mit em Dachverband vo de Schwiizer Jugendparlament (DSJ) started d Gmeind Wettige s Partizipationsprojäkt engage.ch. Chind und Jugendliichi, wo zwüsche 12 und 25 Johr alt sind, sind iiglade Aalige und Idee iizreiche.
Jugendlichi interessiered sich für Politik, das zeiged u.a. d Demonstratione vo de Klimajugend, d Wahle in de USA und anderi Themene, wo d Jugend interessiert. Dodemit stellt sich d Frog, wi di Altersgruppe vermehrt in politischi Prozess chönd iibezoge werde. S Projäkt engage.ch vom DSJ setzt uf de lokale Ebeni aa.
Was wend di Jugendliche in ihrem Läbesumfäld verändere? Was fehlt ihne bi ois z Wettige? Di Aalige werded bis am 20. Dezember 2020 uf de Onlineplattform engage.ch/wettingen gsammled.
Am 19. Januar 2021 sell dann de Engage-Event stattfinde, bi dem di Idee vorgstellt und mit Politikerinne und Politiker und de Verwaltig diskutiert werded.