Sit em Sommer isch d Limmatbrugg vo Noiehof uf Wettige gschperrt gsi. Jetzt isch si wider offe.
D Sperrig vo de Limmatbrugg vo Noiehof in Fahrtrichtig Wettige isch am 27. Juli 2020 für vili überraschend cho und het zu lange Staus gführt. De Vercher vo Noiehof her het über Ännetwettige oder de Autobahnaaschluss Wettige-Ost müesse chere und au d Melligerstross z Ännetwettige isch in de letzschte Mönet no voller gsi wi vor em Juli.
De gröschti Teil vo de Arbeite sind jetzt aber schint erlediged, jedefalls isch d Brugg am 16. November 2020 au vo Noiehof uf Wettige wider befahrbar gsi.